Patay ang duha ka 4-anyos nga bata matapos ma-trap sa sulod sang isa ka abandonado nga salakyan sa Olongapo City.
Base sa kuha sang CCTV camera pasado alas 11 sang aga sang Miyerkules, nakit-an ang duha ka mga biktima nga nagasulod sa naka-park nga salakyan.
Pasado alas 2 sang hapon sang nasambit nga adlaw sang nasapwan nga wala na sang kabuhi ang mag pakaisa sa sulod sang salakyan.
Suno sa kapulisan, wala sa amo nga tion ang ginikanan sang mga kabataan, kag ang magulang sang isa sa mga biktima ang nagabantay sa ila.
Pahayag pa nila, wala naglaong ang duha ka bata sa ila nga panimalay antes nagpadulong sa amo nga salakyan.
Samtang,ginpalab-ot naman sang mga otoridad sa tag-iya sang salakyan kag tuman ang kakibot sini kun paano nakasulod ang mga kabataan.
