-- ADVERTISEMENT --
MAMBUSAO, CAPIZ – Preso sa Mambusao Municipal Police Station ang duha ka lalaki matapos nadakpan nga ginpiktyuran ang ila nga mga balota sa Sinondojan Elementary School.
Ginkilala ang mga persona nga sanday alyas Hernanie, 57-anyos, security guard yara sa legal nga pang-edaron kag alyas Rafael, isa ka tanod kag lunsay mga residente sa nasambit nga lugar.
Sa interview sang Bombo Radyo kay Barangay Kagawad Efren Lauron, ginpahayag sini nga samtang nagaboto si Hernanie kag Rafael, nagkuha ang mga ini sang cellphone kag ginpiktyuran ang ila nga balota apang nadakpan ini sang watcher kag gin-turn over sa COMELEC.
Nagapadayon ang imbistigasyon sang Mambusao PNP sa nasambit nga insedente.
