PRESIDENT ROXAS, CAPIZ – Ginapahayag nga kahimuan sang Aswang ang misteryoso nga pagkadula sang duha ka bata sa Sitio Mangga, Barangay Badiangon, President Roxas, Capiz.
Sa interview sang Bombo Radyo Roxas kay Mayor Receliste Escolin, iya ginpahayag nga naglisensya ang duha ka bata nga lalaki nga nagapang-edaron sang anom ka tuig kag walo ka tuig nga maligo sa suba, apang wala na ang mga ini gilayon nakapauli.
Suno kay Escolin, nag-panic ang ila nga mga ginikanan kag nagpangayo sang bulig sa mga opisyal kag pulisya.
Matapos ang maid-id nga pagpangita, nakit-an ang mga bata sa hilamunon nga bahin sang lugar, nagapalangluya kag kag kapoy.
Bangud sa natabo, liwat nga nabuhi ang mga istorya kag kahadlok sang pila ka residente angut sa ginapatihan “aswang” nga madugay na nga kabahin sang sugilanon sa Capiz.
Padayon naman nga ginaimbestigaran sang mga otoridad ang hitabo para matumod ang matuod-tuod nga rason sang pagkadula.
