Isa ka daku nga pile-up nga nagalakip sang indi magnubo sa 50 ka mga salakyan ang natabo sa Kan-etsu Expressway sa Minakami, Gunma Prefecture, nga nagpatay sang duha ka mga indibidwal kag 26 ka pilason.
Nag-umpisa ang insidente sa pagbunggu-anay sang duha ka mga truck, nga nagtuga sang chain reaction rason nga naglupok ini kag nagdalahig sang indi magnubo sa 10 ka mga salakyan.
Suno sa report, Isa ka 77-anyos nga babayi gikan sa Tokyo ang napatay, kag isa pa ka bangkay ang nasapwan sa pulungkuan sang driver sang nasunog nga truck. Lima naman ka tawo ang tuman nga napilasan, samtang 21 pa ang may minor injuries.
Nahibaluan, nagluntad ang aksidente sa tunga sang mabaskog nga snowstorm kag ginapatihan nga amo ang gintunaan sang pag-skid sang mga truck.
Naglawig sang pito ka oras ang mga bombero sa pagpalong sang kalayo, samtang isa ka seksyon sang expressway ang ginsirado, nga nagresulta sang trapiko sa lugar.
