Duha ka mga kawatan, dakop matapos ginbalikan ang ginsulod nga balay agud liwat nga makapangawat

Wala na nadayon pa ang plano sang duha ka mga ginaalegar kawatan matapos sila madakpan sang liwat nga ginsulod ang isa ka balay sa Koronadal, South Cotabato.

Sa video footage, makit-an ang paglukso sang duha ka mga lalaki agud nga makapalagyo.

Mabatian naman ang tingog sang isa ka babaye nga nagapangayo sang bulig agud madakpan ang duha. Kag gilayon man nga nagbulig ang mga residente sa lugar.

Sa bulig sang mga barangay tanod, nadakpan ang duha sa diin isa ang menor de edad.

Gin-ako man sang mga suspek sa otoridad ang ila ginhimo nga sala kag nabawi ang mga una nga ginkawat nga pagkabutang nga nagalab-ot sa P8,000.