ROXAS CITY-Liwat nga nakapagkit sang duha ka mga panibag-o nga kaso sang COVID-19 ang banwa sang Panitan.
Sandig sa ginpaguwa nga Official Statement ni Panitan Mayor Katherine Dequiña-Belo, ginpahayag sini nga ang duha ka mga nagpositibo ang ginalakipan sang mga masunod:
1. 67-anyos nga babayi nga residente sang Barangay Cogon, Panitan, Capiz.
Wala sang history of travel sa mga lugar nga may yara sang nagpositbo sa COVID-19.
2. 47-anyos nga babayi nga residente sang Barangay Poblacion Ilawod, Panitan, Capiz.
Wala man sang history of travel sa mga lugar nga may yara sang nagpositibo sa nasambit nga balatian.
Gindugang pa ni Bello nga nagapabilin karon sa Roxas Memorial ProvincialHospital ang duha ka mga nagpositibi matapos nga makabatyag sang mga simtomas.
Samtang nagapadayon sa karon ang contact tracing sa mga na-close contacts sang duha ka mga nagpositibo sa amo nga balatian.
