Dakop ang duha ka persona matapos ginserbihan sang warrant of arrest sa Barangay Mongpong, Roxas City.
Ginkilala ang mga akusado nga sanday alyas Roan, 34-anyos kag alyas Paul 30-anyos lunsay mga residente sang nasambit nga lugar.
Sa impormayson nga nakuha sang Bombo Radyo nagikan sa Roxas City Police Station, ginpahayag nga kaso nga theft ang ginapangatubang sang nasambit nga mga akusado.
Ang warrant of arrest ang ginpapanaug kag ginpermahan ni Judge Aida Raissa Espinosa, Presiding Judge Municipal Trial Court in Cities, 6th Judicial Region, Branch 4, Roxas City, napetsahan Enero 10, 2025.
Samtang,may ginrekomendar naman nga piyansa ang korte kada isa sa mga akusado nga P10,000 para sa temporaryo sini nga kahilwayan.
Yara karon nagapabilin sa kustodiya sang Roxas City Police Station ang nasambit nga mga akusado.
