ROXAS CITY – Temporaryo nga ginsarado ang pila ka mga dalanon malapit sa city center sa Singapore para sa mas hugot nga seguridad sa historic June 12 summit ni US President Donald Trump at North Korean leader Kim Jong-Un.
Ini ang ginpahayag ni Bombo International Correspondent Nea Love Anas, 31 anyos, ng Mandurriao, Iloilo, na naba-se ngayon sa Bukit Timah, Singapore kag nagatrabaho bilang agency staff sang mainterview sang Bombo Radyo.
Ginpahayag sini nga may pila ka mga lugar nga ginpaidalom na sa Enhanced Security Special Event Areas sang Singapore Police Force kasunod sang pag-abot sang duha ka mga lider sa pungsod.
Suno pa kay Anas, halos 20 million singaporean dollar ang ginpain nga pondo sang gobyerno sang Singapore para sa makasaysayan nga pagkit-anay sang duha ka mga lider.
Sa karon, nagapabilin nga ‘business as usual’ ang sitwasyon sa pungsod apang ginalauman ang paggutok sang trapiko sa mismo adlaw sang pagkit-anay nanday Trump kag Kim.
Gindugang pa sini nga sa pihak sang ‘bitter relationship sang duha ka mga lider, ginalauman nga ilabi pa nga magasanyog ang sektor sang turismo kag negosyo sa nasambit nga pungsod.
