Ginbatak na sa Signal No. 1 ang 14 nga mga lugar sa pungsod bangud sa Tropical Depression Enteng, suno sa Philippine Atmospheric, Geophysical and Astronomical Services Administration (PAGASA).
Sa datos sang PAGASA, katapusan nga nasiplatan ang amu nga bagyo sa kalayuan nga 110 kilometros nasidlangan naaminhan sang Catarman, Northern Samar.
Dala sini ang hangin may kabaskugon 45 kilometers per hour, kag pagmadlos nga 55 kilometers per hour.
Nagahulag ini naaminhan-nakatungdan sa kadasigon nga 30 kilometers per hour.
Pila sa mga lugar nga ginbatak sa Signal No. 1 amu ang mga masunod;
Luzon:
Eastern portion sang Isabela (Palanan, Dinapigue)
Eastern portion sang Aurora (Dilasag, Casiguran, Dinalungan)
Eastern portion sang Camarines Norte (Mercedes, Basud)
Eastern portion sang Camarines Sur (Presentacion, Garchitorena, Caramoan, Calabanga, Naga City, Pili, Bombon, Magarao, Ocampo, Baao, Nabua, Bula, Balatan, Bato, Milaor, Minalabac, Camaligan, Saglay, Iriga City, Buhi, Tigaon, San Jose, Goa, Siruma, Tinambac, Lagonoy, Canaman, Gainza, San Fernando)
Catanduanes
Albay
Sorsogon
Burias Island
Ticao Island
Visayas
Northern Samar
Samar
Eastern Samar
Biliran
Northeastern portion sang Leyte (Babatngon, San Miguel, Tacloban City, Alangalang, Santa Fe, Palo, Barugo).
Kaangut sini, ginalauman nga magabaskog pa ang bagyo kag posible nga mabatak sa tropical storm category buwas nga adlaw Lunes, Setyembre 2.
