ROXAS CITY – Nagdangop sa Bombo Radyo ang 17 anyos nga estudyante matapos nga natiplang sang isa ka tricycle driver kag gingamit sa pagpangtunto sang ini ang nagsakay padulong sa iya nga eskwelahan.
Suno sa tagreklamo nga nagsakay ini sa tricycle nga may city number nga 116 gikan sa isa ka gasolinahan sa Barangay Lawaan padulong sa iya nga eskwelahan.
Apang gin-kunsaba ini sang tricycle driver kag ginhambalan nga iya nga akuon ang bag nga nabilin sa isa ka jeep.
Bangud natahap man ini sa driver, gilayon ini nga ginsunod sang estudyante kag didto nakuha sang driver ang bag nga may unod nga isa ka cellphone, ID kag cash nga masobra P2, 000.
Bangud sa kahadlok nga siya ang balikyan sang tag-iya sang bag, nagpadulong sa Bombo Radyo ang estudyante agud magsugid sang natabo.
Gilayon naman nga gin-trace ang tricycle nga may city number 116.
Hugot naman nga ginpanginwala sang tricycle driver ang mga alegasyon sang estudyante.
Suno diri nga wala siya sang ihibalo sa ginahambal sang estudyante kag ginpanindugan nga wala siya sang may nakuha nga bag gikan sa isa ka jeep.
