Maka-atubang ni Filipina tennis star Alex Eala si Leylah Fernandez sang Canada sa Round of 32 sang Stuttgart Open sa Germany nga pahawiton subong nga adlaw.
Ang 23 anyos nga si Fernandez may dugo nga Pinoy bangud Filipino-Canadian ang iya iloy.
Si Fernandez nakalab-ot sa finals sang US Open sang 2021 samtang quarterfinals naman sang French Open sang 2022.
Sa subong yara siya sa ika-25 nga pwesto pagkatapos nga nakasulod sa Round of 16 sang Charleston Open kag nakalab-ot sa Round of 32 sang Miami Open.
Samtang si Eala nakasulod man sa Round of 16 sang Linz Open, ang iya una nga pag-entra sa clay court subong nga season.
Ini ang labing una nga tion nga mag-atubangay ang duha sa isa ka singles match, apang nag-atubangay na sila sa doubles sa Abu Dhabi Open.
Kaupod sadto ni Eala si Janice Tjen, kon sa diin ginlutos nila sanday Fernandez kag Kristina Mladenovic.
