Ginkalipay sang mga Filipino Community sa Doha, Qatar ang pagbisita sa ila ni Vice President Sara Duterte kaupod si Senator Imee Marcos.
Nagpasakop ang bise kag senador sa nanri-sari nga serye sang aktibidad kaupod ang mga Overseas Filipino Workers sa amu nga lugar.
Suno sa Office of the Vice President, wala sang may ginsapubliko nga interview ang duha ka opisyal bilang pagsunod sa hugot na pagsulundan sang Qatar may kaangtanan sa pampubliko nga pagtililipon.
Kaupod man sang bise presidente sa pagbisita sa Qatar ang iya sini nga iloy nga si Elizabeth Zimmerman.
Sa isa ka post online, ginsiling ni Sen. Imee Marcos nga gin-imbetaran siya ni VP Sara para magkadto sa Qatar agud makaupod ang mga Pinoy nga adtu didto.
Kun madumduman, ginabulubanta yara sa 17 ka mga Pilipino ang gin-aresto kag ginpreso sa Doha sang Marso 27 matapos ini nga nagpatigayon sang ilegal nga pagtililipon kasunod sang pagka-aresto kay anay presidente Rodrigo Duterte, apang makaligad sang pila ka semana, ginbasura man ang kaso sini nga illegal assembly kag ginpaguha.
Nakatalana naman nga magpadulong sa The Hague, Netherlands ang bise presidente agud bisitahon ang amay sini sa maabot nga Mayo 30 kag Hunyo 2-3.
