Nakuha ni Filipino pole vaulter EJ Obiena ang bronze medal sa competition sa Beijing, China pinaagi sa pag-clear sang 5.65 meters.
Ang gold medalist amo si Tao Zhong sang China nga nakalumpat sang 5.75 meters kag nakuha ni American Cole Walsh ang silver medal.
Ini ang first competition ni Obiena humalin sang Hulyo sa diin nakuha niya ang silver medal sa Spain.
Sa subong, nagahanda naman ang Filpino pole vaulter para sa World Athletics Championship sa Tokyo, Japan sa Sabado.
Nagalaum si Obiena nga makuha ang iya third straight medal sa world championships bangud sang 2022, nakuha niya ang bronze kag sang 2023 nakuha naman niya ang silver nga may Asian record nga 6.00 meters.
Pagkatapos sang Tokyo, magabalik sa Pilipinas si Obiena para sa World Pole Vault Challenge sa Setyembre 20 tubtob 21 sa diin magaatubang ini sa iban nga mga top pole vaulters kag Olympians.
