Gindayaw sang mga lokal nga fans ang kadalag-an ni EJ Obiena sa Ayala World Pole Vault Challenge nga ginhiwat sa Ayala Triangle Gardens, Makati City.
Apisar nga malain ang tiyempo, si Obiena nakalab-ot sang 5.80 meters, nga katumbas sang iya pinakamaayo nga record subong nga season.
Ginlutos ni Obiena si Thibaut Collet sang France paagi sa countback.Pareho sila nga naka-clear sang 5.80meters, apang nangin madinalag-on sa gihapon si Obiena.
Ini ang una nga internasyonal nga titulo ni Obiena sa iya kaugalingon nga pungsod.
Apang, napaslawan man nga maka-clear si sa 5.85m (makaduha ka beses) kag 5.90m (isa ka beses).
Samtang, si Collet, nga nagtapos sa ikalima sa bag-o lang nga World Athletics Championships, napaslawan man sa pag-agi sa 5.90m sa tatlo ka pagtinguha.
