Gin-athag sang Filipino singer ang songwriter nga si Zack Tabudlo ang nagalapta nga pagpanuya sa social media kaangot sang iya pagiging mabaho samtang naga-perform sa UST Paskuhan concert sang Disyembre 19, 2025.
Suni sa pila ka mga netizens, kaangay baho “anghit” ang singer base sa isa ka trending video kun sa diin makita nga basa ini sang balhas samtang yara sa stage.
Sa isa ka TikTok video nga ginpagwa sini sang Disyembre 22, diretsahan nga gin-atubang ni Zack ang isyu kag ginpaathag nga natural lamang ang tuman nga pagbalhas bangud sa energetic sini nga performance, paglumpat sa stage, kag sa ka-init sang panahon. Gin-ako man sang singer nga madugay na siya nga nakaeksperyensya sang pagpanuya kag sala nga imahe nga ginahatag sa iya sang pila ka mga trolls sa social media.
Hugot nga ginsiling ni Zack nga luyag niya nga maghalin mismo sa iya ang explanation agud maathagan ang publiko, kag nagalaum siya nga mangin mas maintindihon ang mga tawo sa mga artist nga nagahatag sang todo sa ila nga pag-perform.
