Naga-eksperyensya sang tuman ka grabe nga flash floods ang Northern India nga nag-anod sang pila ka mga puluy-an, hotels kag narumpag nga mga balaligyaan nga nagpatay sang apat ka tawo samtang madamo ang ginapatihan nga na-trap sa idalom sang mga debris.
Base sa isa ka video nga nagalapta online, makita ang tubig nga nagailig sang madasig, nga nagadala sang mga tinumpag gikan sa isa ka bukid pakadto sa minuro sang Dharali sa Uttarkashi District sang India.
Mabatian man ang mga residente nga nagasinggitan sa kakugmat sa video.
Ang hinali kag mabaskog nga pag-ulan sa magagmay nga mga duog nga kilala subong cloudbursts masami nga nagakatabo sa Uttarkashi, isa ka rehiyon sang Himalaya nga madali mabahaan kag magtiphag sang duta sa tion sang tig-ilinit.
Ang cloudburst may potensyal nga makatuga sang malapad nga kahalitan nga may flash floods kag landslides nga makaapekto sa linibo ka mga tawo sa nabukid nga rehiyon.
Suno sa weather agency sang India, ginalauman nga makaeksperyensya pa sang madamol nga pag-ulan ang rehiyon sa masunod nga mga inadlaw.
Ginpanugyanan man sang mga otoridad ang mga eskwelahan nga kanselahon ang klase sa mga apektado nga distrito.
