Liwat nga ginpa-bombo sang mga pumuluyo ang flood control sa Sitio Pangpang, Barangay Cadio, Panitan Capiz.
Sa interview sang Bombo Radyo kay alyas Inday, iya ginpahayag nga wala gihapon sang pagbag-o sa ila nga gina-agyan bangud ginapabay-an lang sang mga naka designar nga mag-ubra.
Suno pa kay Inday, mabudlay para sa mga estudyante ang magpadulong sa eskwelahan kag ang pila ka mga pumuluyo ang nabudlayan man magbyahe sabg ila mga produkto bangud sa indi manami nga dalan tuga sang ginpabay-an nga proyekto.
Nagapanawagan ang natungdan nga ma-aksyunan sa gilayon ang ila nga problema bangud tuman na nga perwisyo ang dala sang nasambit nga flood control.
Bukas naman ang istasyon sang Bombo Radyo sa sabat sang Barangay Official sang Barangay Cadio angut sa isyu.
