Gintawag nga propaganda ni Former Kabataan Partylist Representative Raoul Manuel ang affidavit nga gin-file sang 18 ka ex-marines kun sa diin nakabutang ang mga pangalan sang opisyal nga ginaalegar nagabaton sang kickback.
Sa interview sang Bombo Radyo kay Mr. Raoul Manuel, iya ginpahayag nga makabig nga mga ‘marites’ ang nasambit nga mga ex-marines bangud nagahimo sang mga alegasyon nga wala man sang basehan.
Suno kay Manuel, daku nga katingalahan kun ngaman ang mga indibidwal nga aktibo sa pagpatigayon sang impeachment complaint ni Vice President Sara Duterte ang yara sa nasambit nga listahan.
Pahayag pa niya, ginlakip man si Rep. Leila De Lima nga indi pa mamamalidha sang tion sang paghatag sang kickback nga gilayon man nga ginbawi ni Atty. Levi Baligod.
Nahibaluan nga nag-file sang affidavit ang 18 ka ex-marines sanday Uswag Ilonggo party-list Rep. James “Jojo” Ang Jr., Iloilo City Rep. Julienne “Jamjam” Baronda, Iloilo first district Rep. Janette-Loretro Garin, kag former Kabataan party-list Rep. Raoul Manuel nga nakabaton sang kickback sang kapin P805 billion nga kickback.
Dugang pa niya, kinahanglan nga mangin maalam ang publiko kag indi basta magpati sa mga nababasa ukon nalantaw sa social media.
Nagpanawagan man ini sa gobyerno kag Office of the Ombudsman nga mangin patas sa imbestigasyon kag ipatigayon ang husto nga proseso sa pagpagwa sang kamatuoran.
