Magabalik sa drawing board ang Gilas Pilipinas matapos ang sunod-sunod nga kapierdihan sa New Zealand Tall Blacks kag Australia Boomers sa ila home games sa 2nd window sang FIBA Basketball World Cup Qualifiers.
Ang national team indi na maghampang liwat tubtob sa Hulyo, sa diin magabisita sila sa Australia kag New Zealand agud tapuson ang 1st round sang qualifiers para sa FIBA World Cup nga pagahiwaton sa Doha.
Apisar sigurado nga maka-abante ang Gilas sa masunod nga qualification game, importante sa gihapon nga maka-record sang kadalag-an ang team agud may tsansa nga makakuha sang ticket sa World Cup.
Suno kay head coach Tim Cone, kinahanglan nga magpreparar ang team para sa ila hampang sa second round, ilabi na nga maga-atubang ang team sa mga pungsod sa Middle East kaangay sang Jordan, Iran, Syria, kag Iraq.
