Napabilin sang Gilas Pilipinas ang ila pang-34 nga puwesto sa FIBA World Ranking.
Ginpaguwa sang FIBA ang world rankings matapos ang madinalag-on nga kadalag-an sang Gilas sa New Zealand sa score nga 93-89 subong man sa Hong Kong sa score nga 93-54.
Bangud sa nasambit nga kadalag-an sigurado na ang pagsulod nila sa FIBA Aisa Cup nga pagahiwaton sa Jeddah Saudi Arabia.
Wala man naghulag ang rankings sang Gilas Pilipinas sa FIBA Asia rankings kun sa diin sila ang yara sa pang-pito nga puwesto.
Nagapanguna sa Asian rankings ang Australia, Japan, New Zealand, Iran, Lebanon kag China.
Ang nag-abanse lamang sa FIBA WORLD rankings amu ang Qatar nga yara na ini sa pang-92 nga puwesto.
Nagapabilin naman sa una nga puwesto ang USA nga ginsundan sang Serbia, Germany, France kag Canada.
