Gina-proposed nga proyekto para sa mga informal settlers sang city govt, gin-inspeksyon sang DHSUD

ROXAS CITY – Personal nga ginbisita kag gin-inspeksyon sang mga katapo sang Department of Human Settlement and Urban Development (DHSUD) – Region VI ang lugar kun sa diin igatukod ang Paglaum Rice Vertical Housing Development Project nga para sa mga informal settlers ukon wala sang kaugalingon nga balay kag duta sa syudad sang Roxas.

Ang nasambit nga proyekto ang gindihon sang city government agud mahatagan sang disente nga puluy-an ang mga pumuluyo nga kubos kag indi maayo ang pagpangabuhi.

Mahibaluan nga ginapreparar na sang gobyerno ang mga nagakaigo nga dokumento nga igasumiter sa DHSUD antes pa man magpatigayon sang groundbreaking ceremony.