Hugot nga ginpanginwala ni Presidente Ferdinand Marcos Jr. ang nagaguwa nga balita nga nagbiya na si Defense Secretary Gibo Teodoro sa iya nga gabinete.
Ginpahayag ni Presidente Marcos nga fake news kag desperado na ang nagaimbento sini nga balita para lamang maghimo sang gamo.
Sa pagkamatuod suno kay Marcos gintawgan niya si Sec. Teodoro kaina sang aga kag ginpamangkot kun bala magabiya ini sa pwesto.
Nagpamangkot man suno diri ang tiglikom sa iya kun pahalinon na ini sang Presidente kag nagsabat si Marcos nga wala man sila sang problema para kakason ini sa pwesto.
Panawagan naman sang Presidente sa publiko nga indi basta magpati sa mga chismis ilabi na kun wala sang pruweba.
Kun may pagbag-o man sa gabinete suno sa Presidente, sila mismo ang magaanunsyo sini kag indi nga kun sin-o lamang.
