ROXAS CITY – Dismayado ang madamo nga Capizeño nga matagal naghulat sa operasyon sang Small Town Lottery kahapon, matapos nga wala ini madayon.
Suno kay Jeanette Lloyd, provincial branch manager sang Philippine Charity Sweepstakes Office (PCSO) may pila ka wala ginalauman nga insedente nga gintunaan sang temporaryo nga pagpaiway sa operasyon sang STL.
Kalakip diri ang wala pa natapos nga draw area sa diin patigayunon ang pagbola sa Barangay Lawaan, sining syudad kag ang na-delayed nga pag-abot sang mga kagamitan nga gamiton sa operasyon.
Apang ginpasiguro ni Lloyd nga indi magtakup ini nga bulan sang Agosto pagasuguran na ang operasyon sang STL.
Matandaan nga indi lamang ang gobernador sang probinsiya sang Capiz ang nagakontra sa STL, kundi mangin ang mga katapu sang Sangguniang Panlalawigan sang Capiz sa diin nagdihon sang proposed ordinance si Board Member Jonathan ”Sonny” Besa nga 60-diyas nga moratorium nga ginrefer na sa Committee on Laws and Good Governance ni BM Eleuper Bulilit Martinez.
