Ginang kritikal sa ospital matapos mabungguan sang motorsiklo

Kritikal ang isa ka ginang matapos mabungguan sang motorsiklo sa Barangay Tanza Gwa, Roxas City.

Ginkilala ang biktima nga si Ma. Velia Baynosa, 49-anyos kag residente sang nasambit nga lugar.

Base sa imbestigasyon sang traffic section sang Roxas City PNP nga samtang nagatabok ang ginang sa nasambit nga highway alegar nga ginbungguan ini sang motorsiklo nga ginamaneho sang wala matumod nga persona.

Nag-angkon sang patal nga pilas ang ginang kag gilayon nga gindala sa ospital agud madapatan sang nagakaigu nga pagbulong.

Mahibaluan nga madasig nga nagpalagyo ang wala makilala nga suspek matapos mabungguan ang nasambit nga ginang.

Sa karon padayon ang imbestigasyon sang Roxas City PNP agud matumod ang identity sang suspek.