Ginang, na-trap sa sulod sang nasunog nga balaligyaan sang spare parts sa Capiz

ROXAS CITY – Padayon sa karon nga ginabulong sa ospital ang 48 anyos nga ginang matapos nga na-trap sa sulod sang nasunog nga ginapanag-iyahan sini nga baligyaan sang spare parts sang motor sa Barangay Poblacion, Sapian, Capiz.

Suno kay Ruben Oroceo, madasig nga ginpadangat sa ospital ang asawa sini nga si Emily Oroceo nga nag-angkon sang mga paso sa lawas matapos na-trap sang halos 30 minutos sa sulod sang nasunog nga balaligyaan.

Nahibaluan nga magluwas sa mga spare parts, may tiningi man nga mga gasolina sa sulod sang nasambit nga balaligyaan.

Bangud sa pagbuligay sang publiko, maswerte naman nga napalong ang kalayo kag wala na naglatay pa sa kaiping nga mga pamalay.