Ginang, nabiktima sang kawatan sa sulod sang isa ka mall sa San Roque St., Barangay 8

ROXAS CITY – Nagparekord sa Roxas City Police Station ang isa ka ginang matapos nga nabiktima sang kawatan sa sulod sang isa ka mall sa San Roque Street, Barangay 8, Roxas City.

Ginkilala ang biktima kay Jeanen Borreros, 31 anyos, isa ka manunudlo sang Barangay Barra, sining siyudad.

Suno sa biktima nag-order ini sa isa ka restaurant kag ginbilin ang iya nga bag sa lamesa.

Didto kag hinali na lamang may nagpalapit nga babaye sa iya bag kag ginkuha ang iya kahita.

Madasig nga nagpalagyo ang wala makilala nga suspek dala ang iya wallet nga may unod nga mga ID’s, ATM kag cash nga nagalab-ot sa P14, 000.

Bangud diri, ginpakamaayo na lamang sang ginang nga iparekord sa pulisya ang insidente.