Nagdangup sa Bombo Radyo ang isa ka ginang matapos nga ginaalegar nga ginbawian sang ATM sang ila sini parent leader sang Pantawid Pamilyang Pilipino Program (4P’s) sa Barangay Malagab-i, Cuartero, Capiz.
Ginpahayag ni Josie Albay nga ginbawian ni sang ATM card kag 4P’s I.D. sang ila parent-leader nga si Jocelyn Delos Santos kadungan sang pagpapirma sa blanko nga papel sang tinalikad nga tuig.
Apang ginkakibot sang ginang sang ginpatawag ini ni Delos Santos agud kuhaon ang P7,800 gikan sa ATM sini kaupod si certain Johnmark nga 4P’s municipal link officer sang Municipal Social Welfare and Development Office sang banwa sang Cuartero.
Gindugang pa sang tagreklamo nga matapos ang pagwithdraw sang nasambit nga kwarta gilayon man ini nga ginhatag ini sa iya.
Apang sang gintuyo sini nga kuhaon ang iya ATM kag 4P’s I.D., indi na ini pag-ihatag sa iya ni Delos Santos.
