ROXAS CITY – Nagpablotter sa Roxas City Police Station ang 41-anyos nga ginang matapos nga ginaalegar nag-angkon sila sang indi pag-intiendihanay sang isa man ka persona sa Barangay Mongpong, Roxas City.
Ginkilala ang tagreklamo nga si Jenalyn Aguilos sang nasambit nga lugar.
Sandig sa ginpabalhag sang tagreklamo nga ginkompronta ini sang suspek nga si Miguel Arbolado sang amo man nga lugar matapos nga may yara sang kawayan nga nagaharang sa karsada rason nga ginbakbak niya ini gamit ang sanduko.
Magluwas diri, ginpamangkot niya man ang ugangan sang nasambit nga tagreklamo nga kun ngaman nakaharang ang amo nga kawayan.
Ginsabat man ini sang suspek nga ang nasambit nga kawayan ang ginapanag-iyahan ni alyas Cynthia kag Pedro Andrada sa dii ginbutang ini agud nga magserbi kuntani nga “toll gate” kag malimitahan ang dalagan sang mga nagaalagi nga salakyan partikular na ang mga motorsiklo sa lugar.
Bangud diri, wala ini naluyagan sang amo nga tagreklamo rason nga ginpakamaayo na lamang sini nga iparekord sa pulisya ang insidente.
