BOMBO ROXAS – Dakup sa ginkasa nga drug bust operation sang Pontevedra Station Drug Enforcement Team kag President Roxas Municipal Police Station ang isa ka ginang sa Barangay Bailan, Pontevedra, Capiz.
Ginkilala ang mga suspetsado nga sanday Irma Cayote, 40 anyos kag residente sang nasambit nga barangay.
Nakuha sa posisyon ni Cayote ang (9) tanan ka sachets sang suspected shabu, P1,500 drug buybust money kag isa ka unit sang cellphone.
Ginabulubanta naman nga nagabug-at sang (2) ka gramo kag kapin P13,000 ang street value sang amo nga mga shabu.
Nakahunong na ini karun sa karsel sang Pontevedra Municipal Police Station kag natalana nga pasakaan sang panumbungon nga paglapas sa Republic Act No. 9165 ukon Comprehensive Dangerous Drug Act of 2002.
