Narekober sang 12th Infantry Battalion (12IB) sang Philippine Army ang isa ka 5.56mm M16 assault rifle sa ginluntaran sang engkwentro sa Barangay Batobato, Tapaz, Capiz.
Sa impormasyon nga nakuha sang Bombo Radyo nagikan sa hepe sang Division Public Affairs Office (DPAO) sang 3rd Infantry Division (3ID) nga si Major Ivy Arcangeles, ginpahayag sini nga naglawig sang kapin lima ka minutos ang pagbayluhanay sang lupok sa tunga sang mga katapo sang 12IB kag ginabulubanta nga indi magnubo sa tatlo ka remnants sang na-dismantle nga Regional Sentro de Gravedad, Komite Rehiyon Panay (KR-Panay) sang Communist Party of the Philippines -New People’s Army (CPP-NPA).
Dugang pa nga tatlo ka mga ginapahayag nga NPA ang na-engkwentro sang mga ini nga ginapatihan nga miyembro sang Sentro De Grabidad (RSDG).
Samtang, wala naman sang may nabalhag nga nasamaran sa tropa sang militar apang indi pa matumod sang mga ini kun may naigo sa bahin sang rebelde nga grupo.
