Nagsarurot ang presyo sang kape sa pangkalibutanon nga merkado sang Biyernes matapos ginkakas ni US President Donald Trump ang 40% tariff sa agricultural imports halin sa Brazil, kalakip ang green coffee beans.
Sandig sa mga reports, ang amo nga tikang ginalauman nga mapadasig ang pagpasulod sang Brazilian beans sa US, nga ano ang pinakamadako nga konsyumer sang kape sa kalibutan.
Narekord ang pagnubo sang Arabica coffee futures sang halos 2% sa USD3.6945 per pound, samtang ang Robusta coffee ang nagnubo sang 2.7% sa USD4,506 per metriko tonelada.
Nahibaluan nga ang pagkakas sang taripa ang kasunod sang una na nga mandu ni Trump para panubu-on ang buwis sa iban pa nga coffee-producing countries, sa tunga sang nagataas nga food prices kag pagnubo sang iya nga approval ratings.
