ROXAS CITY- Ginasiguro sang gobyerno probinsyal ang bastante nga suplay sang seafood sa nagahilapit nga Capiztahan 2024.
Sa interview sang Bombo Radyo kay Hon. Jonathan Besa, Board Member sang 1st District of Capiz, ginpahayag nga naghiwat sang special session ang gobyerno probinsyal may kaangtanan sa paghinyo sang gobernador nga kun mahimu ma-call ang atensyon sang mga fish pond owners kag operators sa pagreserve sang seafood para sa selebrasyon sang Capiztahan 2024.
Suno pa kay Besa nga magapresent man sila sang resolusyon sa tagsa ka Lgu’s kun sa diin may yara sang mga punong nga ma-abisuhan ang mga fish pond owner nga kun mahimo indi anay magpaguha sang harvest nga seafood sa iban nga lugar kasubong sang alimango, lukon, pasayan, talaba, tahong kag iban pa.
Dugang pa sang Board Member nga ireserve ang mga seafood sa Capiz agud masiguro nga bastante ang supply sa pagahiwaton nga SURAMBAW 2024.//
