ROXAS CITY – Nagpataas sang limit sa arrivals sa ila airport ang gobyerno sang Japan kag ang ginatugutan lamang diri nga makasulod amu ang mga may student visa, Japanese kag Foreign residents.
Ini ang ginpahayag ni Mr. Josel Palma, Bombo International Correspondent sa pungsod Japan sang ma-interview sang Bombo Radyo.
Ginpahayag ni Palma, nga sang nagsugod ang pandemya sa nasambit nga pungsod madamo ang na-atrasar nga mga student visa nga naglab-ot sa kabug-usan nga kapin 100,000.
Dugang pa ni Palma, nga ang paghalog sang border sang Japan ang kabahin sa panawagan sa mga foreign residents, mga estudyante kag ilabi na sang mga Japanese nationals nga pasudlon na sila bangud madugay na ang ila paghulat.
Bangud sini, ang gobyerno sang Japan ang nagtugot nga halugaan ang ila nga border.
Gin-athag naman ni Palma nga ang pungsod Japan ang wala pa nagbukas sang ila turismo bangud suno diri nga mataas pa ang trust rating ni Prime Minister Fumio Kishida sa iya nga covid-19 response kag sa masunod nga binulan magahiwat ang Japan sang eleksiyon gani subong nangin mahinalungon ang ila gobyerno.
