ROXAS CITY – Nagapati si Capiz Governor Esteban Evan Contreras nga maresolbar sini ang isyu angut sa nahinabo nga hot exchanges of ideas ukon pagtaasay sang tingog sa sinapol nga ginpatigayon sa ESLA ukon governor’s mansion sa Barangay Lanot.
Ginpahayag sang gobernador nga wala sini nagustuhan ang kasubong pag-agaway sa luyag nga posisyon sang pila ka mga indibidwal nga luyag mangin kabahin sang iya nga administrasyon.
Gindugang pa ni Contreras nga wala ini nanamian sa isa ka persona nga ginapakalain ang iban nga upod, agud gid lamang magpa-impress sa iya, bangud indi ini buluhaton sang isa ka maayo nga tawo.
Ginpanindugan man sini nga wala ini naghatag sang commitment ukon nagpasalig sa mga nagbulig sa pagtib-ong sa iya kandidatura nga mahatagan sila sang posisyon sa gobyerno probinsiyal.
Ini bangud nagapati ang gobernandor nga ginbuligan siya sang nagligad nga eleksyon, bangud nagapati ini sa iya ginapakigbato nga kawsa kag indi sa handum nga makaangkon sila sang posisyon sa gobyerno.
