Mainit nga gin-abi-abi ni Governor Fredenil H. Castro ang duha ka bag-o nga Schools Division Superintendents sang Capiz kag SDO Roxas sa ginhiwat nga courtesy call sadtong nakaligad nga adlaw sa Capiz Provincial Capitol.
Si Dr. Roel F. Bermejo, ang bag-o nga Superintendent para sa Schools Division Office (SDO) Capiz, kag Dr. Renato Ballesteros, Superintendent para sa Schools Division Office (SDO) Roxas.
Ginpahayag nga gintal-usan ni Dr. Roel F. Bermejo ang nagaserbe na sa karon nga Assistant Regional Director sang DepEd VI nga si Dr. Miguel Mac Aposin, CESO V.
Samtang si Dr. Renato Ballesteros, CESO V, ang bag-o nga Superintendent sang SDO Roxas, gintal-usan sini si Dr. Roel F. Bermejo.
Si Dr. Ballesteros, ang anay nagaserbe sa SDO Escalante City, apang ang iya first teaching position amo sa Filamer Christian University pila ka tuig na ang nakaligad.
Ang amo nga Courtesy call ang gintambungan man ni Dr. Miguel Mac Aposin kaupod ang mga bag-o nga superintendents.
