ROXAS CITY – Nag-perform bilang front act ang banda nga Cytoplasm, ang kampeonato sa Handog ng Bombo Radyo at STAR FM Battle of the Bands Competition 2019 sa concert sang kilala nga banda nga Hale.
Ang nasambit nga concert ang ginbansagan Konsyerto sa Capiztahan kadungan sang selebrasyon sang charter anniversary sang probinsiya sang Capiz.
Gindayaw sang lokal nga gobyerno sang probinsiya ang kompetisyon nga ginpatigayon sang Bombo Radyo kag STAR FM nga may katuyuan nga makatukib sang mga lokal na talento rason nga ginpili nga mangin front act ang kampeon nga Cytoplasm.
Magluwas pa diri, nag-perform man ang 1st runner up kag nakakuha sang Best Vocalist award nga Calixas sa nasambit nga konsyerto.
Ginakabig naman sang mga local bands nga isa ka daku nga oportunidad ang ginhatag sa ila bangud isa ang Hale sa kilala nga banda sa pungsod.
Mahibaluan nga pila lamang sa ginpasikat sang banda nga Hale amo ang mga ambahanon nga The Day You Said Goodnight, Blue Sky kag Kung Wala Ka.
