Isa ka tumalagsahon nga insidente ang natabo sa Lapu-Lapu City, Cebu, sa diin isa ka grupo sang mga dancers ang naka-eksperyensya nga ginkawatan sang cellphone, apang indi sang tawo, kundi sang isa ka ido!
Sa isa ka viral nga video nga ginpakigbahin sang grupo sang dancers, makit-an ang mga ido nga nagalabay samtang nagasaot ini sila sa Hoopsdome, Lapu-Lapu City. Sa katunga-tungaan sang ila nga pagsaot, hinali nalang nga ginkuha sang isa ido ang cellphone sang isa sa mga miyembro sang grupo.
Suno sa ila, last take na kuntani nila adto bangud nga mapuli na sila ka gang kahuna nila, nakarekord sa gihapon. Dugang pa nila, wala sang maskin isa sa illa ang nakamangno nga ginkuha na gali ang cellphone.
Samtang, wala nag-untat ang grupo sa pagsaot apisar nga nadula na ang cellphone.
Gilayon ini nila nga ginpangita sa palibot kag maswerte nalang gid kag nakita pa, sa diin nga dutikan lang ini nga mahulog sa imburnal. Magluwas diri, namangnuhan nila nga may isa pa ka ido ang nagkuha phone stand kag gindala sa lain nga direksyon.
Dugang pa sang grupo, madamo nagid man sang mga ido ang gapangtaban sang mga kagamitan sa amo nga lugar, rason nga pahanumdom sini sa kadam-an nga halungan ang tagsa ka mga dala nga pagkabutang.
