ROXAS CITY – Ginkumpirmar sang hepe sang Pontevedra MPS nga isa ka grupo ang yara sa likod sang asod-asod nga kinawatay sa amu nga banwa kun sa din ginakalakipan ini sang walo ka mga menor de edad.
Sa interview sang Bombo Radyo kay PMaj. Syril Punzalan, ginpahayag sini may record na nga masobra lima na kabeses nga nagahimo sang iligal nga buluhaton ang grupo kag madugay na ini nga ginamonitor sang mga kapulisan kaupod ang koordinasyon sang Municipal Social Welfare Development Office (MSWDO).
Ini matapos nga nadakpan sang mga kapulisan ang tatlo sa likod ka mga menor de edad nga nagsulod kag nagpangawat sa isa ka tindahan sa Brgy. Malag-it .
Suno kay Punzalan, ginpatawag na ang mga ginikanan kag ginlaygayan nga tatapon ang ila mga kabataan, apang nagabalik man ini sa gihapon sa iligal nga aktibidad.
Ginkumpirmar man sini nga ang amu man nga grupo ang nagtriping kastigo sa duha ka menor de edad nga naglabay sa esplanade sa amu nga banwa.
Samtang, nagkonsulta na ang hepe sa ila nga legal team sang nagakaigo nga buhaton bangud luyag sini nga hatagan sang penalidad ang mga habitual offender.
Naga-apelar ang mga kapulisan ilabi na sa mga ginakanan nga hatagan sang atensyon ang ila mga kabataan kag tatapon agud malikawan ang paghimo sang krimen.
Ginasiguro naman ni Punzalan nga padayon ang ila pagmonitor kag pagmentinar sang kalinong kag katawhay sa banwa sang Pontevedra.
