ROXAS CITY – Pangunahan sang mga rice retailers sa Pilipinas ang pag-apela sa National Food Authority (NFA) para mapadasig ang pag-import sang bugas sa iban nga pungsod.
Ini ang ginkumpirma ni Grains Retailers Confederation of the Philippines Inc. (GRECON) President kag anay Capiz board member James Magbanua sang ekslusibo nga ma-interview sang Bombo Radyo Roxas.
Suno kay Magbanua nga personal nila nga hinyuon sa ahensiya nga padasigon ang importasyon sang 250,000 metrico tonelada nga bugas, bangud ini ang solusyon sa kakulangon sang suplay sang bugas sa pungsod.
Buwas natalana nga makigsapol ang GRECON sa NFA central office kag mangin dalan ini para mapalab-ot sang grupo sang mga rice retailers ang ila palamangkutanon sa nasambit nga ahensiya.
