ROXAS CITY-Nagapadayon ang mga ginatanyag nga serbisyo sang Government Service Insurance System ukon GSIS sa probinsiya sang Capiz sa mga aktibo nga miyembro sini nga apektado sang coronavirus disease (COVID-19) pandemic.
Ini ang ginpahayag ni Ms. Rosinie Chavez, Manager sang GSIS-Capiz sang mainterview sang Bombo Radyo Roxas.
Suno sa kay Chavez nga may gintanyag ang ahensya nga Emergency Loan nga sarang ma-avail sang mga aktibo nga miyembro sang GSIS nga apektado sang pandemic.
Sa idalum sini, sarang maka-loan ang mga aktibo nga miyembro sang ahensya sang tubtob P20,000.
Gin-athag ni Chavez nga ang mga miyembro sini nga nag-avail sang Ursula Emergency Loan Package ang sarang sa gihapon nga maka-avail sang nasambit nga loan.
Samtang ginbuksan naman sang ahensya ang online system para sa mga senior citizens nga mga GSIS pensioners agud malikawan ang pagpadulong sa ila talatapan.
Suno sa kay Chavez nga sarang nga mapadala pinaagi sa e-mail ang mga ginaproseso sang mga GSIS pensioners bangud temporaryo nga ginpaiway sang ahensiya ang pagpadulong sang mga senior citizens sa ila talatapan.
