Naoperahan na ang gwardya nga ginbuno sa isa ka kalduhan sa San Roque Extension, Barangay 8, Roxas City.
Ginkilala ang biktima kay alyas “Dennis”, yara sa legal nga pang-edaron kag residente sang banwa sang Pontevedra kag ang suspek naman ang ginkilala kat alyas “Dante”, 32-anyos kag residente sang Brgy. Cogon sining syudad.
Sa interview sang Bombo Radyo kay nanay Fany, himata sang biktima, ginpahayag sini nga nag-angkon sang apat ka buno sa dughan kag isa man ka buno sa iya tiyan.
Dugang pa sini, mag-abyanay ang suspek kag biktima kag ginabisitahan pa suno sang suspek ang biktima sa ubra sini.
Ginapahayag nga magkaupod ang biktima kag suspek sa kaldohan sang hinali nalang nga may natabo indi pag-intindihanay sa magtimbang nga bahin kabangdanan sa pagpangbuno.
Sa karon, naoperahan na ang biktima kag padayon sa gihapon nga ginatatap sa isa ka pribado nga ospital bangud yara pa ini sa indi maayo nga istable.
Samtang, natigayon naman nga nadakpan si dan matapos ang ginkasa nga hot pursuit operation sang mga kapulisan sa Brgy. Linambasan, Jamindan kag sa karon, yara na ini sa kustodiya sang Roxas City Police Station para sa nagakaigo nga disposisyon.
