Kinahanglan nga magpaidalom sa maid-id nga pagtuon ang hagna nga maghatag sang isa ka bulan nga income tax holiday para sa mga mamumugon.
Ini ang ginhatagan pagtamod ni Special Assistant to the President for Investment and Economic Affairs Secretary Frederick Go agud mahibaluan kun mahimo ini nga ipatuman ukon indi.
Suno sa economic czar, bag-o lang ang nasambit nga proposal, gani dapat tun-an anay ini sang maayo sang mga ahensya sang gobyerno kaangay sang Department of Finance (DOF) kag Department of Budget and Management (DBM).
Matandaan nga sang damlag lang nag-file si Senator Erwin Tulfo sang Senate Bill No.1446 ukon ginatawag man nga One-Month Tax Holiday of 2025 nga nagatuyo nga mahatagan sang temporaryo nga tax relief ang mga mamumugon sa sulod sang isa ka bulan.
Buot silingon, indi na kinahanglan magbayad sang buhis sa sweldo sa sulod sang isa ka bulan kon ini ang ipatuman.
Para sa “mixed-income earners,” ang bahin lamang sang ila kita gikan sa sweldo ang wala ginabuhisan.
