Gin-aprubahan na sang House of Representatives of the Philippines sa third and final reading ang House Bill No. 8418, nga magahatag gahum kay President Ferdinand “Bongbong” Marcos Jr. nga temporaryo nga buhinan ukon suspendihon ang excise tax sa mga produktong petrolyo sa tion nga may yara sang national ukon international economic crisis.
Gin-anunsyo ni Deputy Speaker Raymond Democrito Mendoza ang botohan sa plenaryo kun sa diin nakakuha sang 247 ka boto sa affirmative, tatlo ka boto sa negative, kag wala sang abstention.
Suno kay House Majority Leader Ferdinand Alexander “Sandro” Marcos, katuyuan sang proposal nga gilayon nga mabuligan ang publiko sa tion nga magtaas ang presyo sang langis sa international market nga nagatuga sang pagtaas sang pletehan, pagkaon kag presyo sang kuryente.
Sa idalum sang proposal, mahimo nga kakason sang Presidente ang tubtob P10 kada litro nga excise tax sa gasolina kag P6 sa diesel kon ang presyo sang krudo maglab-ot ukon magsobra sa $80 kada bariles ukon kon may ideklarar nga national emergency ukon calamity.
Ang suspension ang mahimo maglawig sang anum ka bulan, kag mahimo maggamit ang gahum tubtob Disyembre 31, 2028.
