Nagpahanumdom ang isa ka health expert sang importansya pag-angkon sang ihibalo natuhoy sa X-Linked Dystonia-Parkinsonism (XDP).
Sa interview sang Bombo Radyo kay Dr. John Bulaclac, Neurologist sang Roxas Memorial Provincial Hospital, iya ginpahayag nga ang X-Linked Dystonia-Parkinsonism ukon kilala man nga “Lubag”, isa ka rare genetic movement disorder nga nagaigo sa mga lalaki nga may Filipino ancestry, ilabi na gid sa mga taga Panay Island.
Suno kay Bulaclac, ginatawag nga “X-linked” tungod ang responsable nga gene ang yara sa X chromosome, apang ang mga lalaki ang may isa lang ka X chromosome rason nga mas madali maapektuhan kon may mutation ang nasambit nga gene.
Pahayag pa niya, wala pa sang bulong sa amo nga balatian, apang may mga therapy nga ginahatag para mapahagan-hagan ang sintomas.
Dugang pa sang natungdan, ang suporta sang pamilya kag komunidad, ang makapahaan-hagan sa adlaw-adlaw nga pag-atubang sang kondisyon kag sa pagpangabuhi sang pasyente.
INTERVIEWED BY: BOMBO VINZ DEOCAMPO
