ROXAS CITY, CAPIZ- Nagbaton sang nagkalain-lain nga awards kag pasidungog halin sa Police Regional Office 6 ang Roxas Component City Police Station sa pagpamuno ni Police Lieutenant Colonel Ricardo Jomuad Jr.
Ginpasidunggan bilang Best Junior Police Commissioned Officer for Administration si Jomuad, kag ginkilala naman ang istasyon bilang Best Component City Police Station.
Sa interview sang Bombo Radyo kay Police Lieutenant Colonel Ricardo B. Jomuad Jr, iya ginphayag nga ang kadalag-an sang istasyon resulta sang collective effort kag teamwork kasubong man ang epektibo kag episyente nga paggamit sang mga personnel para mangin mas produktibo nga yunit.
Suno kay Jomuad,nagapadayon ang livelihood programs nga nagsugod pa sang 2020, kag sa karon nagadugang pa gid ang mga incentives. Kalakip diri ang programa sadtu anay nga gin bag-o kag gin pakomprehensibo sa bulig sang gobyerno probinsyal kag iban pa nga mga ahensya nga ginatawag nga AMOMA ukon “Aton Mangunguma, Mangingisda kag Mamumugon Organisahon Manggad nga dapat Amligan.”
Nahibaluan nga sang tuig 2020, ginpasidunggan man ang Roxas City Police Station bilang Best Component City Police Station sa bug-os nga Pilipinas.
Pahayag pa sang natungdan, ang peace and order indi lang trabaho sang kapulisan kundi isa ka civic dutysa diin nga ginpanugyan sini sa publiko nga kinahanglan ang kooperasyon agud mapabilin nga malinong kag matawhay ang palibot.
VIA BOMBO SAIRA JOY ALU-AD BAUTISTA
