ROXAS CITY – Nagpositibo sa drug test ang isa ka Construction worker nga ginakabig high value drug personality sa probinsya matapos ini nga nadakpan sa ginkasa nga drug buybust operation sa bahin sang Paragon Village Brgy. Dinginan Roxas City.
Ini ginkumpirmar ni PLTCOL Francisco Paguia, sang Provincial Drug Enforcement Unit sang mapakig-angutan sang Bombo Radyo Roxas.
Matandaan, ginkilala ang suspetsado sa kay Oriel Arandez 34-anyos kag residente sang Sitio Cassandra Brgy. Punta Tabuc Roxas City.
Nakuha sa posisyon ni Arandez ang tatlo tanan ka sachets sang suspected shabu, kun sa diin isa diri ang nabakal nga nagabug-at sang mas o menus P80,000 nga street value, P7,000 nga buybust money, cellphone, isa ka motorsiklo kag mga drug paraphernalia.
Napasakaan naman sang kaso nga paglapas sa RA 9165 ukon ‘Comprehensive Dangerous Drugs Act Of 2002’ si Oriel, kag nagapabilin ini sa kustodiya sang Roxas City PNP para sa nagakaigo nga disposisyon.
