High Value Individual, dakop sa ginkasa nga drug buy-bust operation sa banwa sang Tapaz, Capiz

Dakop ang isa ka High Value Individual (HVI) sa ginkasa nga drug buy-bust operation sang mga kapulisan sa Barangay Daan Banwa, Tapaz, Capiz.

Ang subject person amo si alyas “Totot,”, kag residente sang amo man nga barangay.

Ang nasambit nga operasyon ginpangunahan sang mga katapo sang Tapaz Municipal Police Station.

Narekober gikan sa subject person ang tatlo ka heat-sealed transparent plastic sachets nga ginapatihan shabu, nga may Standard Drug Price nga P68,000.

Nakuha man sa iya ang P1,100.nga buy-bust money kalakip ang pila ka non-drug related nga mga gamit.

Sa subong, nakahunong na sa Tapaz Municipal Police Station ang subject person kag magapangatubang sang kaso nga Republic Act 9165 ukon Comprehensive Dangerous Drugs Act of 2002.