Hugot nga ginpanginwala sang utod sang anay Barangay Kagawad nga suspek sa pagpangluthang sa isa ka senior citizen sa Sitio Mantawad, Barangay Malag-it, Pontevedra, Capiz.
Sa exclusive interview sang Bombo Radyo sa utod sang suspek nga si Nelly Abueva, ginpanginwala sini nga kabaliktaran ang tanan nga mga alegasyon nga ginahaboy batuk sa ila.
Suno kay Abueva, nagikan sa punong ang iya utod sang natabo ang insidente kag ginapahayag nga nagasinggitan ang anak sang biktima nga si Ryan sa guha sang ila kudal kabangdanan nga ginguha sang suspek nga si Jovannie Abulocion Catalan agud kun tani nga istoryahon apang ginsiling sini nga naga-ursa kag nagawaras ini.
Bangud sa kaakig ginsundan suno diri sang suspek si Ryan sa ila puluy-an apang, ginapahayag nga may dala ini nga mahaba nga butang nga indi nila matumod kabangdanan nga ini ang naluthangan.
Dugang pa ni Nelly, self-defense lamang ang ginhimo sang iya utod batuk sa bata sang suspek kag indi tuyo nga luthangon ini.
