ROXAS CITY – Balantayan ang mga accomplishment ukon hinimuan sang Dadivas administration sa una nga 100 diyas nga pagpungko ni Mayor Ronnie Dadivas bilang alkalde sang syudad.
Gintutukan ang development agenda nga nangin prayoridad sang Dadivas administration sa sulod sang tatlo ka tuig nga termino sang alkalde sang syudad sang Roxas.
Sa idalum sang acronym nga CHANCES ukon C-Clean-up and Beautification Program, H-Health and Wellness, A-Agriculture & Aquaculture Support, N-Negosyo, C-Community & Infrastructure Development, E – Education and Environment S -Social Services amat amat nga ginahatagan ini sang katumanan sang karon nga administrasyon.
Nahibaluan nga nag-isyu sang executive order ang alkalde sa epal nga nagapakakas sa tanan nga laragway sang mga pulitiko sa mga infrastructure project ukon salakyan sang gobyerno.
Gintukod man sang Roxas Environmental Sanitation Enforcement Team (RESET) nga nagapatigayon sang clearing operation sa TATC kag Burgos talipapa sa diin ginpahamtang sa maayo nga lugar ang mga vendors, Clean-up drive, declogging sang kanal sa TATC kag Libas Fishing Port, Night collection sang mga basura.
