Ginpamalibaran sang Pasig RTC Branch 159 ang hinyo ukon mosyon sang kampo ni KOJC Leader Pastor Apollo Quiboloy, nga tugutan ang pastor nga makasulod ang bisita sa ospital.
Suno kay PNP PIO Chief PBGen Jean Fajardo, nakasaad sa ginpaguha nga layi sang korte sadtong Nov. 13, nga isa ka tawo lang ang pasugtan nga magbantay kay Quiboloy sa Philippe Heart Center kag mangin ang mga abogado sini ang indi man pwede nga makasulod.
Sa karon, yara sa ospital sa gihapon si Quiboloy, kag kasunod ini sa mandu sang korte nga magpabilin ang pastor sa ospital kag ibalik sa PNP Custodial facility sa Nov. 16 alas singko sang hapon.
Suno kay PBGen Fajardo, may pila ka mga medical abstract na nga ginpadala sa PNP kag ginahulat nalang nga matapos tanan nga tests para sa findings kag masunod nga desisyon sang korte.
Samtang,indi naman pagpasugtan sang pambansang pulisya nga liwaton sang kampo ni Pastor Quiboloy ang detention room sini.
